सेवाग्राहीसँग घुस लिएको अभियोगमा अख्तियारद्धारा दुई पक्राउ

आरोपीमाथि थप अनुसन्धान जारी

काठमाडौं । नियमानुसार गर्नुपर्ने काममा समेत आलटाल गरी सेवाग्राहीसँग घुस लिएको अभियोगमा अख्तियार दुरुपयोग अनुसन्धान आयोगले राष्ट्रिय जनस्वास्थ्य प्रयोगशाला टेकुका नायब सुब्बा सरोज रोकालाई आज पक्राउ गरेको छ ।

आयोगका प्रवक्रा प्रदीपकुमार कोइरालाका अनुसार मेडिकल सेन्टर सेवा विस्तार गर्ने प्रयोजनका लागि निमायनुसार गर्नुपर्ने काममा बाहना बनाइ रु २२ हसजार घुस माग्दै गरेको अवस्थामा नायब सुब्बा रोकालाई पक्राउ गरिएको हो ।

सेवाग्राहीको उजुरीका आधारमा नायब सुब्बा रोकालाई पक्राउ गरिएको र आरोपीमाथि थप अनुसन्धान भइरहेको आयोगले जनाएको छ ।

त्यस्तै, आयोगले सरकारी राजश्व छल्न जग्गाको कम मूल्याङ्कन गरी भ्रष्टाचार गरेको अभियोगमा जिल्ला मालपोत कार्यालयका नायब सुब्बासहित सातविरुद्ध विशेष अदालतमा मुद्दा दायर गरेको छ ।

मोरङको साविक सिजुवा–८ को जग्गा २०७४ माघ ३ गते बिक्री भएकोमा कम मूल्याङ्कन गरी राजश्व छली गरेको आयोगको ठहर छ ।

रु २९ लाख ९० हजारको मूल्याङ्कन मात्रै गरिएको र पूँजीगत लाभकरमा घोटाला गरेको पाइएको छ । उक्त जग्गाको मूल्याङ्कन रु ३३ लाख ३७ हजार ५०० हुनुपर्नेमा कम गरिएको पाइएको हो ।

आफ्नो क्षेत्राधिकार बाहिर गई बाटो भएको जग्गालाई बाटो नभएको भनी सिफारिस गर्ने, सम्बन्ध नै नभएको वडाको घरबाटो सिफारिस गरिएको आयोगको ठहर छ ।

आयोगले मालपोत कार्यालय मोरङका नायब सुब्बा प्रदीप घिमिरेलाई रु एक लाख ७८ हजार ५२५, बहिदार नन्दलाल राजवंशी रु तीन लाख १९ हजार ९२५, वडाध्यक्ष दानालाल राजवंशी रु एक लाख ७८ हजार ५२५ घुस दिएको खुल्न आएको छ ।

उनीहरुलाई बिगोबमोजिमको कारवाही र कैदको माग गर्दै आयोगले आज विशेष अदालतमा मुद्दा दायर गरेको हो । रासस