कर्जाको बढ्दो मागः बै‌ंकसँग लगानी गर्ने रकम अभाव

सीडीसी अनुपात ८० प्रतिशतभन्दा बढी

काठमाडौं । कर्जाको बढ्दो मागको तुलनामा बैंकले पर्याप्त निक्षेप संकलन गर्न नसक्दा लगानीयोग्य पुँजीको अभाव हुन थालेको छ । यसको प्रत्यक्ष असर बैंकको कर्जा, निक्षेप तथा पुँजी अनुपात (सीडीसी)मा दबाब देखिएको छ ।

‘मंगलबारसम्म १० भन्दा बढी बैंकको सीडीसी अनुपात ८० प्रतिशतभन्दा बढी छ’, राष्ट्र बैंकका एक अधिकारीले भने, ‘यद्यपि वाणिज्य बैंकहरूको औसत सीडीसी निर्देशित सीमाभित्रै छ।’

असोजको अन्तिम साता दसैंबीचमा पनि निक्षेप र रेमिट्यान्स आप्रवाह बढेकाले अबका केही दिन तरलता सहज हुने ती अधिकारीले बताए । राष्ट्र बैंकको निर्देशक्न अनुसार बाणिज्य बैंकले अधिकतम ८० प्रतिशत सीसीडी अनुपात कायम गर्नुपर्छ ।

यसको अर्थ बैंकले संकलन गरेको कुल निक्षेप (प्राथमिक पुँजी समेत गरी) को बढीमा ८० प्रतिशत मात्रै ऋण प्रवाह गर्न पाउँछन् । बाँकी २० प्रतिशत नगद बैंकमा राख्नुपर्छ । कान्तिपुर दैनिकबाट