आइसीसी यू १९ विश्वकप छनौट खेलमा नेपाल विजयी
अन्तिम खेल अफगानिस्तानसँग खेल्ने
प्रकासित मिति : २०७४ श्रावण ९, सोमबार प्रकासित समय : १२:४६
सिंगापुर । आइसीसी यू १९ विश्वकपको एसियाली छनौटको खेलमा नेपाल विजयी भएको छ ।
आज भएको मलेसियासँगको खेलमा नेपालले ५ विकेटको क्षतीमा ९० रनको लक्ष्य पुरा गरी उक्त खेलमा विजय हासिल गरेको हो ।
नेपालका लागि राहित कुमार पौडेलले सर्बाधिक अविजित ३४ रन बनाए । ओपनर सन्दिप सुनार १५ र अनिल शाह १२ रनमा आउट भए भने तेस्रो नम्बरमा आएका प्रनित थापामगरले पनि ८ रनमात्र बनाउन सके ।
मलेसियाले ३५.१ ओभरमा सबै विकेट गुमाउँदै ८९ रनको लक्ष्य नेपाललाई दिएको थियो । उक्त खेलमा नेपाली कप्तान सन्दीप लामिछाने एक्लैले ७ विकेट लिएका हुन ।
अफगानिस्तान प्रतियोगिताको एकमात्र अविजित टोली हो र उसको १० अंक छ । अब नेपालले अन्तिम खेल अफगानिस्तानसँग खेल्नेछ ।