प्लास्टिकमा आन्द्रा बोकेर हिँड्ने राईले नयाँ जीवन पाए

एक महिना १३ दिन लगाएर उपचार सफल

मोरङ । खर्च अभावमा उपचार नपाएर शरीर बाहिर निस्किएको आन्द्रा प्लास्टिकमा बेरेर हिँडेका मोरङ मिक्लाजुङ–१ साम्पाङ टोलका मनबहादुर राईको नोबेल अस्पतालमा निःशुल्क उपचार गरेपछि नयाँ जीवन पाएका छन ।

४० वर्षीय राईले उपचारका लागि आवश्यक रकमको अभावमा उपचार गर्न पाएका थिएन । एक महिना १३ दिन लगाएर गरिएको उपचार सफल भएको नोबेल अस्पतालका जनसम्पर्क अधिकृत नारायण दाहालले बताए ।

अल्सर भएर डेढ वर्षअघि धरानस्थित बिपी कोइराला स्वास्थ्य विज्ञान प्रतिष्ठान धरानमा उनको शल्यक्रिया भएको थियो ।
प्लास्टिकको पोकोमा आफ्नो आन्द्रा बोकेर हिँड्ने राईले उपचार पाएसँगै नयाँ जीवन पाएको बताए ।

तीन वर्षदेखि आन्द्राको अल्सरबाट पीडित ४० वर्षीय राईको उपचारका लागि बिपीले शल्यक्रिया गरेपछि छ महिनामा बोलाएको थियो । तर, खर्च अभावले राईले १५ महिनादेखि शरीर बाहिर आन्द्रा लिएर हिँड्न बाध्य थिए ।

नोबेल अस्पतालका वरिष्ठ जेनेरल सर्जन डाक्टर जेएन भगवतीको टोलीले उक्त उपचार गरेको हो । उपचारमा संलग्न जेनेरल सर्जन डाक्टर सुनित अग्रवालले भने–‘लामो समयसम्म उपचार नहुँदा बिरामीको पेटभित्र प्रोल्याप्स (थुपै्र घाउ) भएको थियोबिग्रेको भागको आन्द्रा काटेर फालियो र बिरामीलाई निको बनाइयो । रासस