धारिलो हतियार देखाई रकम असुल गर्ने एक लुटेरा पक्राउ

अरुको खोजी भईरहेको

काठमाडौं। महानगरीय प्रहरी अपराध महाशाखाले जबरस्ती रकम असुल गर्ने एक जनालाई पक्राउ गरेको छ । उक्त घटनामा सङ्लग्न कति छन भन्ने खुल्न सकेको छैन ।

महाशाखाबाट बिहीबार खटिएको टोलीले काठमाडौँ उपत्यकाका विभिन्न ठाँउका व्यवसायीसँग जबरस्ती रकम असुल गरेको भन्दै काभ्रे घर भई पुरानो बानेश्वर बस्ने योगेन्द्र लामालाई पक्राउ गरेको हो । उनलाई महाशाखाले आज सार्वजनिक गरेको हो ।

लामाले सुमन पुडासैनी, युवराज स्याङ्तानलाई धारिलो हतियार देखाई नगद रु सात हजार, आइफोन, सामसुङ मोबाइल लुटेको र २०७० सालमा सीताराम श्रेष्ठ र सुवास राउतलाई खुकुरी प्रहार गरी घाइते बनाई ज्यान मार्ने घटनामा सङ्लग्न रहेको प्रहरीले जनाएको छ । रासस