गजलकार प्रकाशको ‘जरुरत’ यस्तो छ……

‘मुना बाँच्न मदन जस्तो,सदन जरुरत’

प्रकाश बिलभ संगम (बिम्ब)

जस्तो तिमीलाई आफ्नो सदन जरुरत छ,

त्यस्तै हो मुना बाँच्न लाई मदन जरुरत छ ।

सडकमा टायर जलायर देशको बिकास हुदैन,

यहाँ बिचार र विकासको अन्दोलन जरुरत छ ।।

फूल जस्तै तस्विर सजायर के गरु आँखामा,

चारैतिर बाट सिसाले घेरियो,जतन जरुरत छ ।

मानौ यो जीवन एउटा भिजन बिनाको रङ्गमञ्च हो, उद्घाटन भईसक्यो, तिम्रो मात्र सम्बोधन जरुरत छ ।।

मलाई छोडेर जान्छु भन्छौ तिमी कहिले काही,

यो मुटु चल्नलाई पनि त तिम्रो धड्कन जरुरत छ ।

जस्तो तिमीलाई आफ्नो सदन जरुरत छ,

त्यस्तै हो मुना बाँच्न लाई मदन जरुरत छ ।।

(प्रकाश भाट, अछामका स्थिानीयवासी हुन । हाल नेपालगंजमा बसेर हेल्थ विषयमा अध्ययन गरिरहेका छन । साहित्यमा विशेषत गजल विधामा उनले कलम चलाउने गरेका छन ।)