संयुक्त राष्ट्र संघका उप महासचिवको ५ बर्षे कार्यकाल पूराः प्रधानमन्त्रीसँग बिदाई भेट

काठमाडौं । प्रधानमन्त्री पुष्पकमल दाहाल ‘प्रचण्ड’सँग संयुक्त राष्ट्र संघका उपमहासचिव सम्साद अख्तरले शिष्टाचार भेट गरेकि छन् । संयुक्त राष्ट्र संघको इकोनोमिक एण्ड सोसल कमिसन फर एसिया एण्ड प्यासिफिकका कार्यकारी प्रमुखसमेत रहेकी सम्साद अख्तरले आफ्नो ५ बर्षे कार्यकाल पूरा गरेको अवसरमा प्रधानमन्त्रीसँग बिदाई भेट गरेकि हुन् ।

शुक्रबार बिहान शिंहदरबारमा भएको भेटमा प्रधानमन्त्रीले उनको कार्यकालमा नेपालको विभिन्न क्षेत्रमा संयुक्त राष्ट्र संघवाट प्राप्त सहयोगप्रति आभार प्रकट गरे । प्रधानमन्त्रीले शान्ति प्रक्रियाका केही बाँकी कार्यभार पूरा गर्न सरकार लागि परेको जानकारी दिए ।

उक्त अवसरमा अख्तरले प्रधानमन्त्रीलाई आगामी अप्रिल २१ र २२ गते बैंककमा हुने संयुक्त राष्ट्र संघको सेस्टेनेभल डेभलपमेन्ट सम्बन्धी क्षेत्रीय सम्मेलनमा सहभागिताका लागि निम्तोपत्र हस्तान्तरण गरिन । उनले नेपालको विकास, शान्ति र आर्थिक सम्वृद्धिका लागि संयुक्त राष्ट्र संघको सहयोग जारी रहने जानकारी दिइन् । साथै विश्वमा शान्ति स्थापनाका लागि नेपालको योगदानको उच्च प्रसंसा गरिन् ।