प्रधानमन्त्रीसँग श्रीलंकाका सेना प्रमुखको भेट

काठमाडौं । प्रधानमन्त्री पुष्पकमल दाहाल प्रचण्ड सँग श्रीलंकाका सेना प्रमुख क्रिसान्थे डि सिल्भाले शिष्टाचार भेट गरे ।

बुधबार दिउसो बालुवाटारमा भएको भेटमा प्रधानमन्त्रीले नेपाल र श्री लंकाबीच विगत ६० बर्षदेखि सुमधुर सम्बन्ध रहँदै आएको र यसखालका उच्चस्तरका भ्रमणले आपसी सम्बन्धलाई अझ उचाईंमा पुर्याउने बिश्वास व्यक्त गरेका छन्।

प्रधानमन्त्रीले श्री लंकाबाट नेपालले पाएको न्यानो सदभावप्रति आभार व्यक्त गरेका छन ।
प्रधानमन्त्रीले नेपालको शान्ति प्रक्रिया र सेना समायोजन प्रक्रिया विश्वकै मौलिक र नमूनायोग्य भएको भन्दै नेपालले विभिन्न चरणमा श्रीलंकाको अनुभववाट सिक्ने मौका पाएको अनुभव सुनाए।

भेटका अवसरमा श्रीलंकाका सेनापतिले नेपाल बुद्धको जन्मभुमि भएकाले श्रीलंकाका धेरै जनता यहाँ आउन अति उत्सुक रहेको बताउँदै आफूले पहिलो पटक सुन्दर देश नेपालको भ्रमण गर्ने अवसर पाएकोमा आभार प्रकट गरे ।